India ram chhunga hman tur Labour Laws tam tak a awm a, heng Labour Law te hian an tum ber chu Labour te hamthatna pek te security te, medical facilities te leh an harsatna chi hrang hrang chinfel sak hi a ni. Mizoramah hian State dangte angin labour a ngah em em lova, state dangte khaikhin chuan labour te harsatna (problems) pawh tih tham a awm vak lo nghe nghe a ni. Mahse Labour inrawih leh hnathawh dan te endik leh hnathawktu leh a ruaitute inkara thawhhona tha leh fel tak a kal zel theih nan he dan pawimawh leh tul tak hi Mizoramah pawh lekhawh a lo hun ve ta hle a ni. Heng Labour Rules hrang hrangte hi Mizoramah kengkawh turin Labour, Employment & Industrial Training Department-a, Labour Wing ah hian Labour officer leh staff te an awm a ni. Amaherawh chu Labour Law pawimawh tak tak leh hman tul ngawih ngawih te pawh kenkawh loh a la tamin na chungin, dan panga lai mai lekkawhtu lam officer leh staff te an la indaih tawk loh vangin an buai thei hle a ni
Labour Department hi Mizorama hna thawktu (workers/labourers) hrang hrangte leh a ruaitu (contractors) te, sumdawngtu pawl (company/firm/factory) te dan fel tak hnuaia register in an hnathawh dan te endika thurawn pe thintu a ni. He department hian dan leh dun (Rules & Acts) hrang hrangte hmangin mimal leh pawl hnathawka inrawih te, sumdawngtu te, thilsiamna hmun te leh hna thawka chhawrtu te, enkawltu leh dan lova thiltute hrema lei chawitir theitu a ni.
