The Inter-State Migrant Workmen (Regulation of Employment and Conditions of Service) Act, 1979
Tunah hian Mizoramah hnathawktu tur (workers/labourers) state dang atanga mi chhawr luttu (contractor) mi 10 hnenah an michhawr lakluh theihna license pek a ni tawh a. Heng hnathawka ruaitu/chhawrtu (contractor) te leh an mi rawihte hi dan hnuaiah fel takin a chhawr theih hun leh hnathawh an phalsakna (permint) pek thin a ni. He dan hnuaia contractor te register theitu Registering Officers 4 Mizoram in kan nei a. Director/Labour Commissioner, Labour & Employment chu License pe theitu Licensing Officer awm chhun a ni.
A hmanna (Applicability):
Mizoram pawn atanga hna thawktu lo lut mi panga (5) emaw a aia tam emaw rawih an nihna hmun apiangah a hman theih; A hma thla sawm leh pahnih chhungin eng ni-ah pawh heng hnathawktute hi rawih an nihin a hman theih bawk.Heng hna thawktu mi panga (5) emaw a aia tam emaw ruaitu contractor lakah; a hma thla sawm leh pahnih (12) chhungin eng hunah pawh heng hna thawktute hi a rawihin.
Registering Officers/Offices : District Employment Officers/Offices.
Hna thawhna hmun fel taka ziak luh (Registration of establishment): Registering Officer hnenah pawisa pek ngaite pein dilna lehkha a bika siam hmangin principal employer tu pawhin inziak luh a dil ang a; Dilna chu a felfai a nih chuan registering officer-in a ziak lût ang a, a ziak lut a ni tih entirna lehkha (c.o.r) pawh a pe chhuak ang.
Rawih khapna: Certificate of registration (c.o.r) nei lo principal employer tumahin Mizoram pawn atanga lo lut hna thawk mi a ruai tur a ni lo.
Contractor phalna pek (licensing of contractor): Licensing officer-in phalna a pek loh chuan Contractor tumahin (i) State pawna hna thawhna hmuna thawk turin, emaw (ii) State chhunga thawhtir turin hnathawktu tumah a la tur a ni lo. License dilna chu a bika siam lehkha hmangin a ni tur a ni a.He dilnaah hian license dam chhung, tihnun leh hun chhung, hna thawh hun chhung, etc.chipchiar takin a chuang a ni.
Dan bawhchhe hremna: He dan bawhchhetu chu kum khat chhung lung in tantir emaw cheng sang khat (Rs.1000) thleng chawitir emaw; a nih loh pawhin tantir leh chawitir kawpa hrem theih a ni. (Sect.25).
Contractor tihtur: ISMW a lakna hmun state-ah leh a rawihna hmun State thuneitute hnenah a rawih ni leh thil inthlak danglam ilote a hriattir ang.ISWM te pass-book siamsakin pass-book-ah chuan hna thawhna hmun leh hming, inrawih hun chhung, hlawh inpek dan leh thil dang te a chuang ang.
Hlawh, hamthatna leh a dangte: Hlawh bituk sak, holiday, hna thawh hun chhung mumal tak siam sak leh a dang te.
Inspecting staff: Hna thawhna hmun endik tur leh a tul apiang endiktu tur a tan, thuneihna huam chhung te siam fel sakin Sawrkarin inspectors te a ruai/ruat (appoint) ang.
Dan bawhchhiat/pawi khawih hriat (Cognizance of offence): Inspector emaw mi tu emaw a bika thuneihna pekin thu buai a theh luh emaw a phalna a thehluh emaw a nih loh chuan eng Court mahin thubuai a lo dawng thei lo ang.Tin, thubuai chu Metropolitan Magistrate emaw Judicial Magistrate (of the first class) aia hniamten he Dan hnuaia thubuai hi an khel thei lo ang.
The Mizoram Inter-State Migrant Workmen Rules, 2005 hi The Inter-State Migrant Workmen (Regulation of Employment and Conditions of Service) Act, 1979 hnuaia siam a ni a. Mizoram hian kum 2005 atang khan kan hmang tan ve chauh a ni. He dan hian a tum ber chu State dang atanga hnathawktute Mizoram chhunga hnathawk tura lo lutte enkawl dan leh an hamthatna tur lo tih sak a ni. Ram pawn lam mi hnathawk tura la lut duh chuan Establishment Registration chu Registering Officer (District Employment Officer) hnenah hlawhfa la chhuaktu chuan establishment registration a ti ngei tur a ni a. Establishment Registration a tih zawh hnuah Licencing Officer (Director/Labour Commissioner) hnen atangin Licence a la leh tur a ni. He Licence hi thla 12 chhung chauh a dam a, renew theih a ni bawk. Hnathawk tura State pawn lam mi laluttu chuan a hna a thawh zawh veleh hnathawka a rawihte chu an mahni awmna hmun theuhah an kal man senso zawng zawng te tumin a dah kir leh tur a ni. He dan hi tha taka kenkawh a tul avangin enforcement machinery chak tawk a ngai a ni. Kum 2005 atanga 1st April, 2009 thlenga Licence pek tawh zat chu 42 a ni.
