The Constract Labour, Act, 1959:

He danin a tum: A theih chen chen Contract Labour tih bo a ni.Tih bo theih loh chuan Contract Labour hnuaia hna thawkten kalphung fel tak neia hna an thawh na'n a ruahmanna fel tak siam tur a ni.

A hmanna ( Applicability):

(a) Hnathawhna hmun-a mi 20 emaw a aia tam emaw rawihna tawh phawtah chuan he dan hi hman a ni. A nih loh pawhin

(b) Thla sawm leh pahnih hma lamah contract labour-a eng ni-ah pawh hna thawktu rawih a nihin hman a ni bawk.

(c) Thla sawm leh pahnih hma lam eng ni pawh a hnathawktu ruaitu contractor tu pawh.

 

Registering officers/offices:        District Employment Officers/Offices

 

Hnathawhna hmun ziak luh (registration of establishment):

Contractor hmanga mi 20 emaw a aia tam emaw hna thawktu ruaitu Principal contractor tu pawhin Registering Officer hnenah a inregister ngei tur a ni; Principal contractor hi a rem loh chuan fee pek ngai zat pein a aiah contractor a in register mai tur a ni. Establishment awmzia: Sawrkar deptt/office, tualchhung sawrkar-a deptt/office tiamin; thil siamna hmun, sum dawnna/eizawnna  hmun te.Principal contractor: Sawrkar deptt/tualchhung sawrkar  a nih chuan a hotu (head) emaw sawrkarin a ruat officer dang tu pawh.

 

Register loh nghawng:

Registration tilo chuan contract Labour a ruai lo mai tur a ni.

 

Hna thawh phalna contractor hnena pek (licensing of contractor):

Mi 20 emaw a aia tam emaw ruaitu contractor-in hun engemawti a tan fee pek ngaite pein licensing officer-in license a pe thei.(contractor awmzia: Contract Labour hmang/ruai/pe a establishment tana thil eng emaw tak tih chhuah tumtu.Hei hian sub-contractor pawh a huam.

 

Hna thawktute tana contractor tihtur (Welfare measures):

Mi 100 emaw a aia tam emaw contractor-in a rawih chuan canteen, first aid; chawlh hahdamna hmun, tui in tur, ek in leh insukna hmanrua ilote hna thawktute tana buatsaih.

 

A ruaitu leh a rawiha te inkara thuthlunna(contract):

An thuthlunna chu he dan hnuaia hamthatna hrang hrangte aia tha a nih loh chuan chu an inremsiamna chu awmze nei lo (invalid) a ni.

 

Dan bawhchhe hremna:

He dan bawhchhiate chu thla 3(thum) thleng lung in tantir, emaw  cheng sang khat (Rs. 1,000) chawitir emaw; hemi zat tantir leh chawitir.        (Sec. 23)

 

Inspecting staff:

    Contract Labour rawihna khawi hmunah pawh register leh records te enfiah a, a tul dan azira heng records/copies,etc.  laksak turin inspectors te ruat an ni bawk a.Inspector-in document phawrh tura  a tih chuan Secs 175 and 176 of the IPC (45 of 1860)-in a tih angin zawm ngei a ngai

      The Mizoram Contract Labour Rules, 2004 hi The Contract Labour (Regulation & Abolition) Act 1970 hnuaia siam niin he rules hnuaiah hian kum 2004 atanga 1stApril, 2009 thleng hian Contractor in register 19 a awm tawh a ni. Contract-a mi chhawr duh chuan Establishment Registration chu Registering Officer, District Employment Officer hnuaiah tih hmasak tur a ni a. Chumi hnuah Licensing Officer, Director/Labour Commissioner hnenah Licence lak leh tur a ni. He dan hi tha taka keng kawh tur chuan thuneituten hneh taka an vil ngun a ngai a ni.