The Minimum Wages Rules, 1992

     The Mizoram Minimum Wages Rules, 1992 hi The Minimum Wages Act, 1948, Mizoramin a hman ve theih nana dan siam chhuah a ni a. He dan enkawl tur hian Sorkarin State Level Committee on Minimum Wages a din a. He Committee hian hnathawktu hlawh bi a siam chhuak a, hlawhfa ruaituten Minimum Wages Sorkarin a fix tawh aia tlem pek chu dan kalh niin in chawi tir leh lungin tan thlenga hrem theih a ni. He dan hian kum 5 chhungin vawi khat tal Minimum Wages Rate hi revise tur a ni tih a ni a kum 2 danah State Level Committee on Minimum Wages in existing rate chu a ennawn thin anga an thu chu sawrkarah hriattir tur a ni. He dan hi bawhchhia leh zawm duh lo tute chu pawisa chawitir leh Lungin tan thlenga hrem theih a ni.

 

The Payment of Wages Rules, 1992

     The Mizoram Payment of Wages Rules, 1992 hi The Payment of Wages Act, 1936 hnuaia dan an hman ve tura duan chhuah a ni. Hlawhneia inhlawhfa chuan a thawh hlawh chu a hmu ngei tur a ni. Factory emaw Industrial Establihment hnuaiah emaw hlawh neia inhlawhfate chu an hlawh lak hun tur a chhawr tuten an hrilh ngei ngei tur a ni a. Thlakhat aia rei hlawhfa te hlawh an hren sak tur a ni lo. He dan hian hnathawktute hlawh pek dan tur fel fai takin a duang chhuak a ni.

 

The Mizoram Trade Union Regulation 1992

     The Mizoram Trade Union Regulation, 1992 hi The Indian Trade Union Act, 1926 hnuaia Regulation Mizoramin kan hman ve theih nana duan chhuah a ni a. Hlawh neia hnathawktuten an mahni hamthat nan leh an dinhmun venhim theih nan pawl in siam in he Trade Union Act hnuaiah hian an in Registered a. He Act/Regulation kaihhruai ang hian an pawlte chu an kal thin a ni. He dan hian a tum ber chu hnathawktu leh a ruaitute inkara thawhhona tha neih leh in kungkaihna nghet tak siam a lungrual taka  thawhho hi a ni. Khawvel ram hausa leh Industrialist ramahte chuan Trade Union hi an ram Economy innghahna bulpui ber pakhat a ni. Tunah hian Mizoram Trade Union dan hnuaiah Trade Union hrang hrang 95 an in registered a ni