Pu Surinder Bhagat, IFS, Joint Secretary, Ministry of External Affairs, chuan Ni 26 - 28 June, 2025 chhung khan Mizoram rawn zin in, LESDE Department changtu Minister Pu Lalnghinglova Hmar leh  Department officials te nen Mizoram thalai India ram pawn a hnathawk mek te leh hnathawh tum te tan a hriattur pawimawh te leh him zawk leh hlawk zawk a hna an thawh theih dan tur kawng hrang hrangte an sawi dun ani. 

Pu Lalnghinglova Hmar chuan Mizoram sawrkar in mamawh a thlen thinna a Ministry of External Affairs in an lo puih thin avangin lawmthu a hrilh a, hun lo kal leh zel tur ah pawh a tul anga Mizoram sawrkar thurawn pe a lo pui zel tur in a chah a chah bawk ani. Pu Surinder Bhagat-a chuan Mizoram sawrkar hmalakna hrang hrang te chu tha a tih thu leh a tul dan ang ang a lo puih zel a inhuam thu sawiin, Mizo te'n India ram pawn a hnathawk tura an zinna kawngah fimkhur takin, Agency rintlak kaltlangin leh dan ang zel a kal thin turin a chah a, danlo anga kal te chu harsatna an tawh palh in inpuih a harsat thu a sawi bawk ani.

He inkawmna ah hian Recruitment Agency licence neih dan chungchang te, skill development chungchang te, central sawrkar in ram danga hnathawk a humhalh dan te an  sawidun a ni.

LESDE Minister hi Pu Lalamalsawma Pachuau, Secretary, LESDE Dept leh Pu John Tanpuia, Director, LESDE Dept. te'n tawiawmin, 

Pu Surinder Bhagat-a hi Pu Vipul Kumar, IFS, US, MEA leh Pu Askoh Debbarma, POE Agartala Office, MEA, te'n tawiawm bawk ani. 

Minister nen an inkawm hnuah hian LESDE Department ho tute inkawmna hun tha tak Pu Surinder Bhagat-a hian a hmanpui bawk ani.