Ni 4, December, 2025: LESDE Department chuan Ni 3, 2025 khan DC Conference Hall, Champhai-ah National Apprenticeship Promotion Scheme (NAPS) chungchangah Awareness and Registration Drive a huaihawt.
He hun kaihruaitu Pu Mohammed Aaquib, IAS, DC, Champhai District chuan thalaite'n thiamna an eizawnna an zir chhunga hlawh nei chunga zirna (apprenticeship) scheme awm hi a lawmawmin tangkai thei ang ber a hman anih theih nan kalkhawm zawng zawng te theihtawp chhuah turin a chah a, LESDE Department aiawha he hun hmanpuitu Pu Zothankhuma, Deputy Director chuan he Apprenticeship Scheme (PM-NAPS) chungchanga hriattur tulte sawifiah in, zirtirna hun a hmang bawk ani.
He hun hmang a kalkhawmte - Private sector YAMAHA, MRF Tyres, Chawngthu Hotel, Hotel Alpha-te leh Establishment hrang hrang aiawh te'n he scheme hi chipchiar taka sawihona hun an hman bakah Apprenticeship Portal-ah "on-the-spot registration" an ti nghal ani bawk ani.
Prime Ministers National Apprenticeship Programme (PM- NAPS) hi Central Sawrkar Scheme ni in, Ministry of Skill Development and Entreprenuership (MSDE) changtu Minister in North East India a hman anih ve theih na atan kumin July thla khan Aizawl ah hawnna hun rawn hmangin, training institute (ITI, Polytechnic leh adangte) hnuaia zirlaite'n an training laia hlawh nei a, practical training an neih theih na atana buatsaih leh ruahman ani.
