Aizawl, the 26^th October 2023: Mizoram Building & Other Construction Workers Welfare Board (MBOCWWB), Labour, Employment, Skill Development & Entrepreneurship Development (LESDE) Deptt. hnuaia Scheme on Skill Development a training chhuak hmasa (1st batch) zirlai 29 (sawmhnih pakua) tan Mission Foundation Movement (MFM) Training Center-a General Duty Assistant (GDA) training chhuak te hnenah Certificates sem a ni.

He programme hi Pu R. Vanlalzauva, Director, MFM in kaihruaiin, Pu Caleb Lalnunpuia, Project Coordinator, MFM in report te a pek hnu ah MFM School of Nursing Zaipawl koh a ni a.  Chief Guest Pi Angela Zothanpuii, Secretary cum Director, MBOCWWB, LESDE in Certificates a sem zawh ah zirlai training chhuak te a lawmpui thu a sawi bakah fuihna thu tha tak tak a sawi bawk a ni. Tin, Pi Christina Zothanpuii, Principal, MFM School of Nursing in vote of thanks sawiin programme hi khar a ni.

MFM Training Center-a zirlai training chhuak 29 te zinga pa 2 te hian Aizawl private hospital ah hna hmu tawh in, a dang 27 te hi hna zawnpui mek an ni bawk a. Tin, he scheme hnuaia training tur hian MBOCWWB (Welfare Board) registered member te chenpui (dependent family member) te an nih a ngai bawk a ni.