Aizawl, the 7th August 2025: Mizoram Building & Other Construction Workers Welfare Board (MBOCWWB), Labour, Employment, Skill Development & Entrepreneurship Development (LESDE) Deptt. hnuaia “Scheme on Skill Development” a FY 2024-2025 chhunga a thlawna training chhuak zirlai 45 (sawmli panga) te pualin Mission Foundation Movement (MFM) Training Center-a General Duty Assistant (GDA) training chhuak te hnenah Certificates sem a ni.
He programme hi MBOCWWB Multipurpose Centre, Directorate of LESDE Auditorium a hman a ni a. Pu R. Vanlalzauva, Chairman, MFM Board in kaihruaiin, Pu Lalramchuanzela, Executive Director, MFM in report te a pek hnu ah MFM School of Nursing Zaipawl koh a ni a. Pu John Tanpuia, Secretary cum Director, MBOCWWB, LESDE Deptt. in Certificates a sem zawh ah zirlai training chhuak te a lawmpui thu a sawi bakah fuihna thu tha tak tak a sawi bawk a ni.
LESDE Deptt. Director hian kan tunlai khawvela skills (thiamthil) neih a pawimawh zia leh a hlut zia a sawi a. India ram mai nilo, khawvel hmun tin mai ah hian skills nei tha tan chuan eizawnna tlaka hna thawh tur a awm zel tur thu a sawi bakah ram pawna hnathawka eizawng tur te tan placement him leh rintlak a pawimawh zia sawiin hemi tur atan hian LESDE Deptt. hian hma a lak mek thu a sawi bawk.
Tin, zirlai training chhuak te hnenah kan hma lawk a “India Skills Competition 2025” lo awm tura thiamthil intihsiakna hrang hrang zinga “Health and Social Care” tura chah an ni a. He programme zawh rual hian competition-a tel tur mi thahnem tak registration tih sak nghal bawk an ni bawk.
MFM Training Center kaltlang hian MBOCWWB, LESDE Deptt. hnuaiah hian Healthcare sector ah zirlai mi 200 bawr vel training chhuak tawhin an training chhung hian Aizawl Hospital-ah On-the-Job training an kal pah thin a. Training chhuak te hi foreign thlenga hna an hmuh theihna atan puih chhunzawm an ni thin bawk.
He scheme hnuaiah hian insak leh a kaihhnawih lama eizawng thin te (Welfare Board registered member) leh an chenpui (dependent family members) te tan Sector hrang hrangah a thlawna training tur ruahman thin a ni a. Training theih hun hi hawn leh thuai tur a ni.
