786/2023-2024

Siaha, 13th June,2023: Vawiin khan Labour,Employment,Skill Development and Entrepreneurship (LESDE) Dept, GoM bultumin Seminar Hall,Government Saiha College,Siaha-ah Siaha District Job Fair hawnna leh Entitlement Drive for unorganised workers in Mizoram and Registration Camp under E-SHRAM, PM-SYM,NPS Traders EMPEX & MBOCWWB tlangzarhna programme hman a ni a. Pu Lalchhandama Ralte,Hon'ble Minister for LESDE chuan vawiin programme-ah hian khuallian niin, Job Fair hawnna leh Entitlement Drive & Registration Camp a tlangzarhna hun a hmang nghal bawk a ni.

He Job Fair hawnna programme hi Pu Lalhmunsanga Hnamte, District bawrhsap chuan kaihruaiin, Pu Lalramsanga Sailo, Secretary,LESDE Dept. chuan welcome speech sawiin, vawiin programme buatsaih chhan leh thiltum te sawifiahna hun a hmang nghal bawk.

Vawiin programme-a khuallian Pu Lalchhandama Ralte,Hon'ble Minister for LESDE chuan inaugural speech sawiin, Labour, Employment,Skill Development & Entrepreneurship (LESDE) Dept. chuan hnathawktu te leh kan ram thalai hna zawng mek te tan kawng hrang hrangin nasa takin hma a la mek zel a.Thla kalta May ni 9 &10 ah khan Mizoram Mega Job Fair hlawhtling tak Millenium Roof top-ah lo nei tawh a ni a.Kha Job Fair atang khan thalai mi 200 velin ramchhung leh rampawnah hna an lo hmu tawh a ni.

District level-a a hmasa ber turin Siaha district -ah Job Fair kan lo buatsaih thei hi ka lawm hle a, hemi kawnga nasa taka hma la tu LESDE dept. officer leh staff te bakah MAMCO member Pu HC Lalmalsawma Zasai,MDC,MADC chungah pawh lawmthu ka sawi a, LESDE Director hlui Pu Lalhmunsanga Hnamte District bawrhsap a lo ni leh zel te hian Siaha a JOB FAIR buatsaih hi kan phur tlang hle a ni. Thalai hna nei lo leh zawng mek te tan in tualcharah ngei hna interview theina LESDE in a lo hunsak che u hi hmang tangkai u la, Siaha district thalai tam takin ram chhung leh ram pawnah te hna tha tak hmu u la, ti hi kan duh ber a ni a, chumi atan chuan duhsakna ka hlan bawk che u, a ti.

Vawiin Job Fair-ah hian Automobiles Company lian Multinational Company tling pha:Yamaha,Suzuki, Honda,Tata Motors leh Mahindra te bakah HDFC Bank,LIC of India ,Jay Jay Transport & Placement Solution te leh Beer Seba Group of Institution ten stall siamin an inphochhuak hlawm a ni.

Minister chuan Job Fair hawnna programme zawhah hian Stall te hi a fangkual nghal a ni.

Mahni kutke hmanga eizawngtute hamthatna scheme hrang hrang heng: E-SHRAM, PM-SYM,NPS Traders,EMPEX leh MBOCWWB-a in Registration tih duh ten awlsam taka registration an tih theih nan hmunkhatah Stall siam sak an ni bawk.

E-SHRAM hi Ministry of Labour & Employment in mahni kut kea eizawngte mumal taka chhinchhiah tura a hmalakna a ni a, hamthatna awmte awlsam zawk leh a dawngtu tur dik tak ten an dawn theih nan-E-SHRAM PORTAL a din a.Ministry hian kum 16-59 inkar mahni kut kea eizawngte chu inziak lut vek turin a beisei a, he portal kaltlang hian hamthatna tha zawk leh mahni kut ke a eizawng te chhawmdawlna leh tanpuina te a pe chhuak thin dawn a ni.He Portal a inziahluh hian Accidental Insurance cheng nuai 2 claim theihna PMSBY a awm nghal a ni.

PM-SYM leh NPS TRADERS-- hei hi mahni kutkea eizawng kum 18-40 inkar te tan Ministry in pension scheme a duan a ni a, inziaklut te hian thlatin premium tam lo te a pe in, an pek zat chiah chu Central Ministry in a do pui ve in, kum 60 an tlin hunah pension an nei thei dawn a ni.

MBOCCB (Welfare Board) hu LESDE Dept. hnuaia din a ni a.He board hnuaiah hian India khua leh tui dik tak kum 18-60 inkar mi, kum khat chhunga insak leh a kaihnawiha ni 90 tal inhlawhfate chu member ni turin an inziaklut thei a ni.He Board hnuaiah hian member te tan hmathatna hrang hrang siam leh pek thin a ni.

EMPEX: Employment Registration online a khawi hmun atang pawha inziahluh theihna turin LESDE Dept. chuan EMPEX PORTAL hi 31st January,2023 khan a hawng a, he Registration hi vawiinah pawh hian tih theih dawn a ni.

Heng zawng zawng bakah hian Career counselling Counter te pawh siam a ni a, hetah hian hna chungchang leh thildang an hriat chian duh te an zawt thei bawk dawn a ni.

Vawiin programme-ah hian Minister hi Pu Lalramsanga Sailo, Secretary, LESDE Dept., Pi Angela Zothanpuii,Director, LESDE Dept.,PU Lalhmachhhuana, SPD,Samagra, Dr.JT.Vanlalngheta, Jt. Labour Commissioner, LEDSE Dept te bakah School Educuation leh Samagra a officer thenkhat leh Party hruaitu ten  Aizawl atangin an lo tawiawm a ni.

Vawiin Job Fair hawnna programme chu Pi Angela Zothanpuii,Director,LESDE in lawmthu sawina in a khar ta a ni.