Lunglei, 12^th October 2023: Labour, Employment, Skill Development and Entrepreneurship Department (LESDE) chuan Model Career Centre (MCC) Scheme hnuaiah Job Fair a buatsaih a, he hun hi Govt J.B College Multipurpose Auditorium ah neih a ni. He Job Fair hi Pu Vanlalawmpuia DLEO, District Employment Exchange Office, Lunglei chuan hawng a, he Job Fair hi Mizo thalai te tana thil tangkai tak leh eizawnna ngialnghet zawk an neih theih nan a hmang tangkai tur in a chah ani. Mizo thalai ten hna kan hmelhriat dan te siam rem a sorkar hna kher rilru dah lo tur leh mahni hmazawn a thawhtheih hna tha (Private Sector) a awm te um tur in a chah a ni. Pu Lalbiakmuana Hauhnar, DEO, Directorate LESDE in report pe in LESDE hnathawh tlangpui leh hmalakna hrang hrang te a tarlang bawk a ni.

He Job Fair ah hian Lunglei District chhung leh Aizawl District lam atangin Employer 16(sawm paruk) lai an rawn tel thei a ni. Sector hrang hrang heng: Financial Institution, Banking, Tourism & Hospitality, Bakery & Confectionery, Automobile leh Telecom atang ten an rawn tel thei a, hna thahnem tak thalai te tan an rawn chhawpchhuak thei ani. Spot recruitment (a hmuna lak) pawh hemi ni hian mi 6 (paruk) lai an awm ni. Screening turin application 778 lak a ni bawk.

Hetih rual hian Lunglei District Common Service Centre (CSC) te rawn tel in Employment Registration bakah Sorkar hnathawk lo (unorganized sector) te tan a Central Sorkar in hamthatna hrang hrang a siam E-Shram leh PM-SYM ah te registration te an tihsak nghal a, hemi ni hian thalai hna zawng mi 300 (zathum) chuang lai an rawn tel thei a ni.