Ni 29, January, 2025, New Delhi: Vawiin khan ni hnih awh tur India ram State leh UT Labour Minister leh Secretary/Official-te inkhawmpui (National Conference), Hotel Ashoka, New Delhi ah tan ani.
Vawiin hun hi Dr. Mansukh Mandaviya, Union Minister for Labour and Employment kaihhruaina hnuaiah neih ni in, India ram State leh UT hrang hrang a kuthnathawkte'n chanvo leh hamthatna tha zawk an neih theihna atana dan tha zawk siamna kawnga hma lak dan - Labour Reforms sawi ho ani a, National Career Services leh Model Career Centre din that dan tur te, Public Health Centre (PHC)/ Community Health Centre (CHC) tangkai zawk a hman dan tur te, ESIC leh AB PMJAY Scheme kalkawp dan tur te sawiho ani.
Pu Lalnghinglova Hmar, Mizoram Labour Minister chu he hun hmanna a Session khat atan Co-Chairman atan ruat anihna anga hun a kaihruai bakah Labour and Employment huanga Mizoram Sawrkar hmalakna hrang hrangte a tarlang bawk.
Minister hi Pu John Tanpuia, Director, LESDE Department, Labour Commissioner ni bawk leh Pu H. Lalramenga, PS te’n an tawiawm a ni.
He hunah hian Central Sawrkar hnuaia Occupational Shortage Index leh e-Shram Microsites te khuhhawnna neih ani bawk ani.
