Aizawl the 31^st August, 2023 : Labour, Employment, Skill Development and Entrepreneurship (LESDE) Department, Central YMA leh Common Service Center (CSC) te hmalakna in vawiin khan Mizorama District panga; Mamit, Saitual, Serchhip, Lawngtlai leh Khawzawl ah mahni kut kea hnathawka eizawng (unorganized workers) te tana hamthatna (social security scheme) e-shram leh PMSYM Registration Camp kalpui a ni a. He hunah hian a zavaiin mi 3400 chuang he camp ah hian inziaklut turin an rawn kal a ni. 

e-Shram hi Ministry of Labour and employment hmalakna hnuaiah kalpui niin kuthnathawka eizawngte sawrkar in a chhinchhiahna pakhat a nih bakah hemi a registration ti te chuan sawrkar atangin hamthatna chi hrang hrang an nei thei dawn a ni.

e-Shram registration hi Veng leh khaw tina Common Service Center (CSC) ah mahni aadhaar card leh Bank passbook kengin kut hnathawka ei zawngte tana pan theih reng a ni.