Aizawl, the 29^th July, 2025: Vawiin tlai dar 3:00 khan Pu Lalnghinglova Hmar, Minister of State, Labour, Employment, Skill Development & Entrepreneurship Department chuan "SKILLS ON WHEELS" khuhhawnna, Directorate of LESDE, MINECO ah a nei.

"Skills on Wheels" khuhhawnna inkhawmah hian Pu Lalnghinglova hmar chuan thusawiin, "Skills On Wheels  hi Mizoram tana thil tha leh tangkai tur ani a, tun hi bultanna tur anih avangin, a phurawm hle ani" a ti a, “A bikin thingtlang leh hmun kilkhawr bik a awm te tan, he hmalakna hi a tangkai lehzual dawn a, an kawtkai ah  Skill Development kalpui ani thei tawh dawn ani" a ti bawk. Ministr chuan Sawrkar laipuiin Skill Development lamah nasa takin tan a la  mek a, chuvangin LESDE department pawhin mipui rawngbawlna kawngah hlawk tak leh chak taka kan thawh theihna turin  thawhhona thatak neiin, i tang zel ang u a ti bawk.

Skills On Wheels" khuhhawnna inkhawm hi Pu John Tanpuia, Director, LESDE Department in kaihruai in, Pu T. Thangropianga, Jt. Director, LESDE Department in Technical Report a pe bawk a ni.

“Skills on Wheels” hi Ministry of Skill Development and Entrepreneurship (MSDE)  hnuai a project pakhat, SANKALP scheme atanga dawn ani a. Skills on Wheels motor a tan hian Mahindra Bolero Camper 4WD PSD, m2DiCR4 (5 seaters) hman niin, he Bolero Camper hi GeM portal atanga lei ni in, customization hrang hrang te leh skill training kal pui na tur  hmanrua hrang hrang leina te nen, a vaiin Rs. 17,05,170.00 sen ani. 

“Skills on Wheels” motor hi a bik a duan, Skill Development training-na bungrua/hmanrua hrang hrang phur a, Mobile Training Centre tur ang a ruahman a ni a, a tum bul pui ber chu Skill Development/Vocational training job role thlan chhuah bik ah te thingtlang khaw hla tak tak leh kilkhawr zawk, Training Centre tha a kal ve theilo te tan a  training hrang hrang dawng phadawng pha ve lo te hnena training pek a ni a. “Skills on Wheels” ah hian a bul tan na atan Asst. Electrician training leh Mason General training te pek phawt tur a ruahman a ni.