Japan rama Mizo ṭhalai hnathawk turte Delhi-a ṭawng zir tura vailiamna hun hman a ni a. He hun hi Pi Angela Zothanpuii, Director, LESDE Department chuan hmanpuiin National Skill Development Corporation (NSDC) te hmalakna thlawp chungin department in ṭhalai te hmakhua ngai tak leh fimkhur tak chungin hmalakna kalpui zel a nih ṭhin thu a sawi a ni. Department ngei pawn hmalakna zau zawk an chhawp chhuah zel tur thu a sawi bawk a ni. LESDE Director chuan Japan SSW chu sorkar hmalakna a Ministry of Skill development and Entrepreneurship hnuai a kalpui a ni tih a sawi a ni. Kal tur zawng zawng te ngaihhruina thilpek a hlan bawk a ni.

Pi Ellen Lalnunmawii, State Engagement Coordinator chuan Japan SSW program sawi zauna hun hmangin, LESDE Department hmalakna hnuaia Japan rama Caregivers hna thawk mek lai Mizo thalai mi 16 an awm thu leh, kal tur a training nei mek leh nghak mek mi 14 awm in, tunah hian Mizoram thalai 30 ten training  an tan leh dawn tih a tarlang a ni. 

Heng thalai mi 23 te hian thla 9 chhung Delhi-ah Japanese Language Training an nei ang a, chumi zawh chuan Japan lama employer thawhpui te kaltlang in an lehkha pawimawhte tihfel a nih hnuah Japan-ah hna an thawk thei dawn a ni.

Vawiin hun buatsaihah hian LESDE Department-a Joint Director, Deputy Director leh LESO officers te bak ah, department officials dang ten an hmanpui a. Delhi-a kal tur thalai 23 te hi an chhungte'n an rawn tawiawm bawk a ni.