Indian Army chuan mipa nupui nei lo te tan Agnipath Scheme hnuaiah kum 2025-2026 chhung atan Agniveers (sipai) lak runpui a nei leh dawn a. Online Registration hi 12th March - 10th April, 2025 thleng tih theih a ni ang. Mizoram District hrang hranga cheng leh khawsa nghet tan dil theih a ni. He Agniveers (sipai) lak runpui hi ṭum hnih (Phase 2) in kalpui tur a ni a. Ṭum khatna (Phase I) hi Online Based Written Examination a neih tur niin, Aizawl Mizoram a exam centre thlan bikah te neih a ni ang, ṭum hnihna (Phase II) erawh chu Online Common Entrance Exam a tiṭha thlan chhuah ten Recruitment Rally an nei leh ang. Diltu chuan dil thei chin (eligibility status) hrechiang turin www.joinindianarmy.nic.in ah entur a ni, Personal profile a siam bawk tur a ni a, application a fill up zawhin website-a link kaltangin HDFC Portal-ah a lut ang a, payment ₹250/- bakah Bank Charges awm a nih chuan a pe ang. Payment hi options hrang hrang Debit/Credit cards, online banking emaw UPI hmang pawh a pek theih a ni. Email leh Mobile number nung (Aadhaar Card nen thlunzawn ngei) a nei tur a ni. Hei hi Indian Army lamte nena inbiakpawh zelna tur a ni. Diltu hian Exam centre atan hmun 5 a thlang tur a ni a, online application-ah hian Aadhaar number chhut luh a ngai a, hemi atan hian Mobile no leh Aadhaar chu a in link ngei ngei tur a ni.
Diltu chuan Online Common Entrance Exam atana inzir (practice) a duh chuan, JIA website (joinindianarmy) hnuaiah hian category wise link dah niin, heta ṭang hian zir theih a ni, exam hmachhawn hmain vawikhat tal inzir tura beisei an ni. Animated Video hmangin inziah luh dan “How to Register” leh CEE online a exam hmachhawn dan “How to appear for online CEE” tih chu www.joinindianarmy.nic.in ah en theihin a awm bawk a ni. Education Qualification, physical/medical standards leh hna kalphung (job specification) te hi a chunga link kan dahah tho hian en theihin a awm tel bawk.
Army Recruitment Office, Aizawl bik helpline no: 0389-2351166 & 2912730 ah leh email: aizawlro@gmail.com ah te zawhfiah theih reng a ni a, diltu chuan harsatna leh zawh belh duh a nei a nih pawhin www.joinindianarmy.nic.in ah te zawhfiah theih a ni bawk.
