3142/2023-2024
Aizawl, 20.12.2023: LESDE’s 2nd Winter Wonderland Christmas Fair 2023 chu vawiin chawhma dar 11 khan Dawrpui Multipurpose Centre, Aizawl ah a duh a piang te tlawh theih turin Pu Lalramsanga Sailo, Secretary, LESDE Department chuan a hawng. He Fair hi Local Entrepreneur-te thilsiam zawrhchhuah na tur a buatsaih a ni a, LESDE Department leh Ministry of Micro, Small and Medium Enterprises (MSME) tang kawpa buatsaih a ni.
A hawnna programme hi Pi Angela Zothanpuii, Director, LESDE Department in a kaihruai a ni. LESDE Secretary chuan Udyam registered entrepreneurs te theih tawp chhuah zel turin a fuih a, micro leh small business enterprises te hi ram economy siam thatna atana dinhmun tha tak chelhtu, mipui mamawh petu leh midangte eizawnna siamsaktu pawimawh tak anih thu a sawi a, he fair hi Local Entrepreneurs te tan a buatsaih a nih ang ngeiin hlawk tak a, hmang theuh turin a chah a ni.
He Fair ah hian Local Entrepreneurs 60 ten stall an nei a, thawmhnaw, Ei leh In, Christmas items, Gifts items, Decoration, Handloom leh Handicrafts leh thil dang te a awm a ni. Fair hi ni 20th – 22nd December chhung a neih tur a ni. LESDE Department chuan mipui te he fair hi tlawh turin a sawm a, man tlawm zawk a Mizo thilsiam/kutchhuak te lei nan a hmang turin a sawm vek a ni.
Attachment
