1. Medical Benefits :-ESI hnuaia hnathawktu in ziak lut leh an chhungte chuan, an in ziahluh ni atangin he hamthatna hi a hmang nghal thei a. Hnathawktu (InsuredPerson) chhungte, he hamthatna dawngtheite chu:

  1. Nupui / Pasal – hnathawktu kawppuite.
  2. Hnathawktu fate, amah rinchhana khawsa te
    1. Fapa zirlai kum 21 a tlin hma
    2. Fanu – pasal neih hma zawng.
  3. Hnathawktu khawsakpui, amah hringtu nu leh pa, thlakhata₹9,000/-aia tamlo la lutte.

Damlote hi a thlawna en anni a, damdawi pek an ni vek bawk. Test chi hrang Tie-up Laboratory ah a thlawna tihtir vek anni a, Tie-up hospital ah cashless in an awm thei bawk a ni.

2. Sickness Benefit :-Hnathawktu (Insured Person) in kumkhat chhung in ni 91 a dam lohna avangin chawlh a la thei a, hemi chhung hian pawisa faiin a nikhat hlawh atanga 70% a dawng thei ani.

  1. Extended Sickness Benefit  :-He  hamthatna  hi  natna khirhkhan zual leh natna benvawn  chi 34 (TB, AIDS, lung  tha lo, Cancer, ruhtliak, kalthalo leh a dangte) nei, chawlh mamawh tan kumhnih chhung an hlawh atanga 80% ESI atangin pek theih ani.
  2. Enhanced Sickness Benefit:- Hmeichhia nau nei tawhlo tura a insiam in ni 14 a chawl thei a, mipa a insiam ve thung chuan ni 7 a chawl thei a, an chawlh chhungin an hlawh zawng zawng pek theih ani.

3. Maternity Benefit:- Hnathawktu in nau a neih a chawlh a lak chhungin, a hlawh bi kimin a hnuaia hun chhung tarlan ang hian pek theih ani.

  1. Fa hmasa ber leh a pahnihna atan– kar 26.
  2. Fa pathumna atangin– kar12.
  3. Fa Sawrkar dan leh hrai hnuaia fa a lak (adopt)in– kar 12.
  4. Nau chhiat avangin–kar 6.

4. Disablement Benefit:-

  1. Temporary  Disablement  Benefit  :- Hnathawktu in engvang pawha, a hnathawhna hmunah tawh sual (accident) a tawh a, a hna a chhunzawm leh theih hma chu a hlawh atanga 90% a natna in a kiansan hma chu a dawngthei.
  2. Permanent Disablement Benefit:- Hnathawktu in a hnathawhna hmuna tawhsual a tawh a, ramtuileilova a awma, Medical Board ten hnathawk chhunzawm theiloa an puan chuan a hlawh atanga 90% thla tin a damchhung zawng a dawngthei ang.

5. Dependants Benefit :- Hnathawktu in a hnathawhna hmunah emaw a hnathawhna kaihhnawih engvang pawha ,nunna a chanin, amah rinchhan a khawsa a chhungte hnenah thla tin a hlawh atanga 90% pek tur ani.

6. Funeral Expenses:- Hnathawktu a thihin a chhungte hnenah vuina senso atan cheng₹15,000/-pek theih ani.

7. Rajiv Gandhi ShramikKalyan Yojana :- He unemployment allowance scheme hi 01.04.2005 atanga hman tan ani a. Hnathawktu, a hnathawhna hmun khar avanga hna nei ta lo emaw, hnathawhna kaihhnawih nilo a ramtuileiloa a awmin he hamthatna hi a dawng thei.

8. Medical care to retired Insured Person :- ESI hnuaia Insured Person pension tawhte, hnathawktu a hnathawhna a chesuala hnathawk chhunzawm thei lo te, hnathawktu thi tawh nupui/ pasalte, hnathawktu nupui/ pasal dependant benefit la ten kumkhat chhungin₹120/- ESI ah chhunglut in he hamthatna hi an dawngthei a ni.

Hrechiang duh tan ESI Branch Office, RZ Lalbuaia Annexe (near Solomon’s Cave) emaw ESI Dispensary, Zaluta Building, Venghlui ah emaw phone no. 0389-2325156 ah zawhfiah theih  ania, website: www.esic.nic.in ah en theih ani bawk. In register duh tan online in shramsuvidha.gov.in ah in register tur a ni.