IndiaSkills Competitions 2023 & WorldSkills Competition 2024
Thalai thiamna hrang hrang nei te tana inelna IndiaSkills Competition 2023 (State Level) chu Mizoramah December 2023 hian Labour,Employment, Skill Development & Entrepreneurship (LESDE) Department in a huaihawt dawn a, he competition atanga hian IndiaSkills Competition 2023 (National level) a tel turte thlan an ni ang a, National level competiton atang hian World Skills Competition 2024, Lyon France a neih tur a kal turte thlan chhuah leh an ni ang. Thiam thil hrang hrang entir theihna 50 chuang ah inelna a awm dawn a ni.
IndiaSkills Competition a tel tur a registration ti duh te tan : Hemi link https://www.skillindiadigital.gov.in ah hian registration hi dt.30/11/2023 thlengin a tih theih a ni. He competition tan a registration tih dan kalphungte (how to register for Indiaskills Competition 2023), in elna tur Skills chi hrangte leh a tel thei chin te (list of skills and eligibility criteria) hrechiang duh chuan pdf download linkah lo en mai tur a ni. A hnuaia office addressah emaw phone number tarlanah te hian Indiaskills Competition chungchang hi office hun chhung in a zawhfiah theih bawk a ni.
Directorate of Labour,Employment, Skill Development & Entrepreneurship Department ,
Skill Wing, Below Parking Floor
Earth Day Road, MINECO
Khatla, Aizawl Mizoram.
Phone: 9856735845 / 9612883303
He Skills Competition kum hnih dan a neih thin ah hian, lo tel ve ngei turin kan sawm a che.
Attachment
