423/2023-2024
9.08.2023 : 8th Aug 2023, 12:00 PM khan Ministry of Skills Development and Entrepreneurship buatsaihin ‘Transforming Lives, Building futures Skill Development and Entrepreneurship in North East’ Special Programme chu Hmarchhak State te tan hawnna hun neih a ni a, he hunah hian Union Minister for Education and Skill Development & Entrepreneurship, Shri Dharmendra Pradhan chu khuallian niin, Shri G Kisan Reddy, Union Minister for Culture & Development of North Eastern Region leh Shri Rajeev Chandrashekhar, MoS for Skill Development & Entrepreneurship te khual zahawm an ni.
Hmarchhak state te hian theihna leh thiamna tam tak an nei a, state hmasawnna leh ram hmasawnna atana thalai ten Skilling leh Entrepreneurship ecosystem a hmasawnna chak zawk leh rahbi thar an kai zel theih nan he Special Initiatives-ah hian Cheng Vaibelchhe 360 dah anih thu puan a ni. Thalai Nuai hnih leh Sing nga chuang te chhawr tangkai theih tur in, Scheme hrang hrang duansa hnuaiah Training pek an ni thei dawn a ni.
He hmarchhak state te tana hmalakna hian Pradhan Mantri Kaushal Vikas Yojana (PMKVY) hnuai a thalai mi Nuai hnih te, National Apprenticeship Promotion Scheme (NAPS) hnuai a thalai Sing thum te, Jan Shikshan Sansthans (JSS) scheme hnuai a thalai Sing hnih te, ITI leh Polytechnic tih hmasawn leh tih changtlun nan leh SANKALP hnuai a North East region tan an mamawh bik dan a zir a Special project neih bakah Ram pawn a hna zawng leh thawk duh te tana awlsam zawk nan Skill India International centre din te a ni.
He hun hi Video Conferencing hmang in hmarchhak states hrang hrang 8 te bakah Central Ministry ten an hmang a, Mizoramah pawh ICT Video Conference room atangin Pu Lalramsanga Sailo, Secretary LESDE Deptt., Pu Lalzirmawia Chhangte Secretary, School Education Deptt. Pu Prasanna A Acharya, Additional Secretary School Eduction Deptt., Pi Angela Zothanpuii, Director LESDE Deptt. leh Department Officials te bakah IIE leh NSDC representatives ten an hman pui a. Programme hi youtube ah livestream-in pekchhuah tel a ni a, Educational Institutions, Technical Institutions, Sawrkar Department hrang hrang te leh zirna in thenkhat bakah Skill Development Training Centres leh Institutions ten an chhim bawk a ni.
